Vi er eit rekneskapskontor på Nord-Vestlandet med hovudkontor på Nordfjordeid og avdelingar på Sandane, Valldal, Ulsteinvik, Hornindal og Stryn.

Målet vårt er å vere den føretrekte samarbeidspartnaren innanfor rekneskap, økonomisk bistand og rådgjeving, samt vere ein strategisk sparringpartnar til hjelp og støtte for kundane og kollegaene våre.

Vi er opptekne av automatisering og digitalisering som kan forenkle og effektivisere kvardagen for oss,  kundane og samarbeidspartnarane våre.
Duett, PowerOffice, Tripletex, 24Seven er hovudverktøya, og dersom det skulle vere ønske om andre system, så vil ein kunne tilpasse seg kundane sine behov.
Vi har lang og god erfaring innan rådgjeving, knytt til mellom anna verksemdsoverdraging, generasjonsskifte/arv, mva/offentlege avgifter, løn, fakturering, i tillegg til årsoppgjer/skatt og rekneskap.

Berekraft og klimarapportering blir meir og meir aktuelt, og vi tilbyr rådgjeving på dette etter nærare avtale. Vi tilbyr også rådgjeving på strategi og forretningsutvikling, samt HMS og miljøsertifisering.

Det er såleis viktig for oss å vere tett på kundane, slik at vi kan bidra til vekst og utvikling i det lokale næringslivet.

Vi er til saman 32 tilsette, av dei er 15 statsautoriserte rekneskapsførarar. Arbeidsmiljøet er godt, med ei god blanding av erfarne og nye tilsette. Av dei har vi tre som er med i ØkoRåd Ung- programmet.

Ta gjerne kontakt med oss om «stort og smått» så skal vi hjelpe så godt vi kan.
«Vi er rekneskapsføraren som gjev deg ro i sjela.»